Presidenti i Turqisë, Rexhep Taip Erdogan, më 8 prill do të udhëtojë në Rusi për të marrë pjesë në takimin e 8-të të Këshillit të Bashkëpunimit të Nivelit të Lartë midis Turqisë dhe Rusisë.
Siç bën të ditur Presidenca e Turqisë, në takimin e 8-të të këtij Këshilli, të cilin do ta kryesojnë presidentët Erdogan dhe Putin, do të marrin pjesë edhe ministra dhe zyrtarë tjerë nga të dy vendet.
Gjithashtu theksohet se gjatë takimit në fjalë, do të ketë një diskutim gjithëpërfshirës mbi marrëdhëniet dypalëshe midis Turqisë dhe Rusisë, por temë e bisedimeve do të jenë edhe çështjet rajonale dhe globale.
Pjesë e diskutimeve mes tyre do të jetë edhe blerja e raketave ruse nga Turqia, pavarësisht kërcënimeve të SHBA-së. Në takim pritet të nënshkruhen një sërë marrëveshjesh dypalëshe.
Në kuadër të takimit të Këshillit të Bashkëpunimit të Nivelit të Lartë Turqi-Rusi, Erdogan dhe Putin do të takojnë edhe përfaqësuesit e sektorit të biznesit nga të dy vendet./gsh/
Valon Berisha shënon gol dhe autogol në fitoren e LASK ndaj ...
Gërvalla e Shakantu flasin për bashkëpunim ndërshtetëror
Ambasadori britanik i bashkohet masës në pastrimin e Kosovës
Zelenskiy: Përfundimi i luftës me Rusinë varet nga vendosmër...
Galatasaray fiton derbin e Turqisë ndaj Fenerbahçes
Aksident në Pogradec, makina përplas një të mitur