Ish-legjenda e Real Madridit, Guti ka thënë se ylli i Barcelonës, Lionel Messi ka më shumë talent se Cristiano Ronaldo, por sulmuesi i Juventusit është më ambicioz.

Qëndrimi i Messit dhe Ronaldos në mesin e të mëdhenjve të futbollit debatohen shpesh, me dyshen që kanë fituar nga pesë Topa të Artë secili dhe shumë trofe e çmime individuale.

Messi i Barcelonës ka shënuar plot 32 gola këtë sezon dhe 42 në të gjitha garat, ndërsa Ronaldo ka shënuar 19 gola në Serie A dhe 24 në të gjitha garat për kampionët italianë.

I pyetur për të zgjedhur midis Messit dhe Ronaldos, ish-mesfushori i Real Madridit, Guti, i cili tani është ndihmës-trajner te Besiktasi dha një hipotezë interesante.

“Të dy. Është e vërtetë që kohëve të fundit kam zgjedhur Messin, por unë e vlerësoj shumë atë që ka bërë Cristiano, ai është një lojtar i madh”, ka thënë fillimisht Guti për gazetën spanjolle Marca.

“Messi ka më shumë talent, Cristiano është më shumë një golashënues, më shumë ambicioz, ai është një lojtar i vetë-bërë”.

“Është e pabesueshme që në epokën e Messit ai ka mundur të fitojë pesë Topa të Artë. Është shumë i rëndësishëm, e tregoi në Real Madrid”, përfundoi spanjolli. /Telegrafi/