Martesë e lirë ndërmjet dy personave pa përcaktuar gjini, është kërkuar që të përfshihet në kodin e ri civil.
Në diskutimin “Martesa, bashkëshortët dhe bashkimi civil në Kodin Civil modern të Republikës së Kosovës” , përfaqësues të shoqërisë civile thanë se kodi civil është në kundërshtim me Kushtetutën e vendit.
Sipas tyre, derisa akti më i lartë juridik i vendit, në nenin 37 lejon martesat e lira, këtë duhet ta përfshijë edhe Kodi Civil.
Të pranishmit kanë dhënë kritika për anëtarët e grupit punues për kodin civil, duke thënë se nuk i kanë marrë parasysh kërkesat e tyre.
“Ashtu siç edhe e përcakton Kushtetuta e Kosovës, martesat e gjinisë së njëjtë duhet të përfshihen në Kodin Civile, pasi që nuk mund të pritet ndryshimi i mentalitetit. Në këtë mënyrë mbrohet më shumë edhe komuniteti LGBTI”, ka thënë Alfons Benjamin Lentze, udhëheqës i projektit të BE-së.
Ekspertë të BE-së për Kodin Civil, thanë se Qeverisë i duhet ofruar opsioni për ligj që lejon martesat ndërmjet personave të gjinisë së njëjtë, sepse kjo, sipas tyre, do të ishte mundësi për gjeneratat e reja.
Por, Adrian Mehmeti nga Ministria e Drejtësisë, tha se Kodi Civil është në përputhje me Kushtetutën e Kosovës.
Moti në Shqipëri me vranësira dhe reshje shiu
Mbahet Konferenca e dytë për investitorë “Prishtina 20...
Parashikimi i motit për të premten
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...