Arrestohet një zyrtar policor, dyshohet se përvetësoj kundërligjshëm pasuri gjatë një aksioni të bastisjes

17:32 | 4 Prill 2019
L G

Inspektorati Policor i Kosovës respektivisht hetuesit e Departamentit të Hetimeve kanë arrestuar sot një zyrtar policor.

Arrestimi i zyrtarit policor (punonjës/hetues i stacionit policor Graçanicë në Prishtinë) është bërë sot rreth orës 14:00 me dyshimin se i njëjti ka kryer veprën penale “Përvetësimi i kundërligjshëm i pasurisë me rastin e bastisjes apo ekzekutimit të vendimit gjyqësor”, nga neni 436 të Kodit Penal të Kosovës.

Sipas IPK-së, lidhur me këtë rast  janë kryer bastisje në dy lokacione (shtëpinë dhe zyrën  e të dyshuarit), me ç’rast janë konfiskuar disa sende në cilësinë e provave materiale.

Të njëjtit me vendim të Prokurorit kompetent i është caktuar masa e ndalimit për 48 orë.

Gjithashtu, IPK-ja ka rekomanduar Policisë së Kosovës masën e suspendimit për  zyrtarin policor tashmë të arrestuar si të dyshuar për rastin si më lart./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm