Google ADS

Milani ndalet edhe nga Udinese

21:02 | 2 Prill 2019
Arbresh Info

Milani ka marrë vetëm një pikë nga takimi i sotëm (e martë) si nikoqir kundër Udineses.

Gjiganti italian nuk ka arritur t’i kthehet fitoreve pas dy disfatave të njëpasnjëshme duke siguruar vetëm barazim kundër skuadrës mysafire këtë mbrëmje në Giuseppe Meazza, shkruan portali arbresh.info.

Kuqezinjtë kaluan në epërsi në minutën e fundit të kohës së rregullt të pjesës së parë duke shënuar me anë të sulmuesit Krzysztof Piatek. Reprezentuesi polak gjeti portën me kokë dhe u bë lojtari i parë në Serie A që shënon 20 gola pas 29 paraqitjeve qysh pas Diego Militos në sezonin 2008/09.

Mysafirët barazuan gjithçka për 1 me 1 me anë të një kundërsulmi të shpejtë. Kevin Lasagna realizoi me lehtësi pas asistimit nga Seko Fofana në minutën e 65′.

Milani vazhdon qëndrimin në pozitën e katërt me 52 pikë, një më pak se Interi me një ndeshje më pak në pozitën e tretë, ndërsa Udinese qëndron në pozitën e 15-të me 29 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm