Edhe në Prishtinë është shënuar dita botërore e autizimit.

Me moton “Bashko pjesën tënde” organizata joqeveritare “Autizmi Flet” ka organizuar një sër aktivitetesh, shkruan arbresh.info.

Drejtoresha e Qendrës “Autizmi flet”, Violeta Hyseni, ka treguar për aktivitete e zhvilluara.

“Sot është dita botërore e autizmit dhe ne si organizatë “Autizmi flet” e shënojmë këtë dit çdo vit, edhe sivjet kemi një numër të madh të aktiviteteve, kemi filluar në qendër ku kemi pas mysafir speciale, këngëtarin Yll Limani dhe kemi vazhduar në sheshin “Zahir Pajaziti”, ka thënë ajo.

Hyseni ka thënë gjithashtu se është shtuar ndihma nga Institucionet dhe komuna e Prishtinës.

“Sivjet veç kanë filluar te kemi më shumë përkrahje duke filluar nga komuna e Prishtinës, janë ndërruar edhe drejtorët dhe pasi rinia po mbizotëron në komunë janë të interesuar të bashkëpunojmë e Brenda javës kemi takim me ta dhe do të vendoset se ku do të bashkëpunojmë”, ka thënë ajo.

E se kjo ndihmë është shtuar e ka konfirmuar edhe Dren Kukaj, drejtor i Punës dhe Mirëqenies Sociale.

Kukaj ka thënë se këtë vit do të ndërtohet edhe qendra e madhe për fëmijë me autizëm dhe sindromën down

“Ne si komunë e Prishtinës tashmë në bashkëpunim edhe me TIKA-n e kemi konkretizuar punën për ndërtimin e qendrës së madhe që do të ofroj shërbime për personat me autizëm dhe sindromën down, por derisa të ndërtohet qendra ne do të ndihmojnë dhe asistojmë që shërbimet që këto shoqata i ofrojnë karshi personave me autizëm do të përmirësohen dhe zhvillohen në kushte optimale në kuptimin se në rast se ka nevojë për hapësira të reja do t’i subvencionojmë ato dhe për burime njerëzore derisa të ndërtohet qendra e madhe”, ka thënë ai.

I pari i drejtorisë për Punës dhe Mirëqenies Sociale në Prishtinë ka thënë se qendra pritet të përfundoj vitin që vjen.

“Lokacioni është i vendosur do të ndërtohet në lagjen Kalabria afër Stacionit të Autobusëve ndërtimi do të filloj këtë vit dhe pritet që vitin tjetër të përfundoj”, ka shtuar ai./Arbresh.info/