Deputeti i Kuvendit të Kosovës nga radhët e Nismës Socialdemokrate, Milaim Zeka, ka komentuar ligjin më të ri të vendit, që ndalon lojërat e fatit.
Ai ka thënë në emisionin “DPT Te Fidani”, në televizionin T7, se prapa lojërave të fatit në Kosovë kanë qëndruar dy parti të mëdha, Lidhja Demokratike e Kosovës dhe Partia Demokratike e Kosovës.
“Njerëz kryesorë të LDK’së i kanë udhëhequr lojërat e fatit në Kosovë”, është shprehur Zeka, duke përmendur në veçanti Avdullah Hotin, për të cilin ka thënë se, si ministër, ka lëshuar shumë licenca për bizneset e tilla.
Zeka ka vlerësuar po ashtu se “ka deputetë që i kontrollojnë lojërat e fatit”.
“I di Prokuroria, i di AKI’ja” emrat e tyre, ka thënë deputeti i Nismës në T7.
“Do të flasin bizneset që janë dëmtuar”, ka parashikuar Zeka. Sipas tij, mbyllja e lojërave të fatit është “vendim antiligjor”. Zeka ka thënë se këtë e di edhe kryeministri i vendit, Ramush Haradinaj.
“Do t’i kushtojë shumë shtrenjtë shtetit të Kosovës”, ka vlerësuar ai. “Qeveria do t’i paguajë miliona euro dëme njerëzve”, ka parashikuar Zeka.
Kosova pjesë e marrëveshjes së ShBA-së për inteligjencë arti...
BE ankesë në OBT ndaj Kinës
“Shqipëria, një perlë e vërtetë e Ballkanit”
Sri Lanka, merr detyrën presidenti i majtë pas fitores së gj...
Komuna e Prishtinës në pritje të votimit të buxhetit për vit...
Qeveria emërton rrugën Ballaban – Banjskë me emrin e heroit ...