Presidenti i Serbisë, Aleksandar Vuçiq, ka thënë se ai ishte i habitur nga deklarata e ambasadorit amerikan në Beograd, Kyle Scott, sipas të cilit “nuk duhet të fajësuar vetëm Prishtina”.
Sipas mediave serbe, përcjell Telegrafi, reagimi i presidentit serb vjen pasi që ambasadori Scott ka thënë se për marrëdhëniet e tanishme midis Beogradit dhe Prishtinës, dhe në mungesë të dialogut faji është tek të dy palët.
“Unë jam i habitur nga deklarata e Scott. Ndalu, burrë. Ata thonë se ndajmë fajin. Thuaj, çfarë është faji ynë?”, citohet të ketë thënë Vuçiq gjatë një emisioni televiziv.
Ndryshe, bisedimet ndërmjet Kosovës dhe Serbisë janë ndërprerë për shkak të vendosjes së taksës ndaj mallrave serbe nga ana e Qeverisë së Kosovës.
Një veprim i tillë thuhet të ketë ardhur si pasojë e angazhimit të Serbisë për të lobuar në disa vende për të tërhequr njohjen e pavarësisë së Kosovës.
Gjithashtu, Serbia është duke zhvilluar një fushatë të egër për të parandaluar anëtarësimin e Kosovës në organizatat ndërkombëtare.
Në këtë drejtim, përveç Brukselit, edhe Washingtoni po bën thirrje që palët të ndalin veprimet që dëmtojnë procesin negociator dhe të kthehen në tryezën e bisedimeve
ShBA, “nxehet” fushata/ Trump e Harris shtojnë akuzat e ndër...
Ish-ylli i Liverpoolit do të largohet nga klubi i ri pasi re...
Rivitalizohet parku Drilon – Tushemisht, Rama: Gjerdan për e...
Kuba në terr, pas dështimit të rrjetit elektrik
Njohësit politikë skeptik se takimi i ri në Bruksel do të ja...
Pezullohet operacioni i kërkim-shpëtimit për turistin lituan...