Italia vazhdon me formë të lartë, e shkatërron 6:0 Lihtenshtajnin

23:07 | 26 Mars 2019
Arbresh Info

Italia e ka shkatërruar 6:0 Lihtenshtajnin, në ndeshjen e rrethit të dytë të Grupit J kualifikues për Kampionatin Evropian 2020.

Fabio Quagliarella shkëlqeu duke shënuar dy herë, dhe kështu u bë futbollisti më i vjetër në moshë që shënon për Kombëtaren italiane, dhe dha një asist në triumfin e azurëve 6:0 ndaj Lihtenshtajnit të martën në Parma.

Italia tani kryeso grupin e saj me gjashtë pikë pas dy ndeshjeve me një goldallim të përkryer prej tetë golave të shënuara dhe asnjë të pranuar.

Stefano Sensi i kaloi italianët në epërsi pas një çereku lojë, para se Marco Verratti ta dyfishonte epërsinë në minutën e 32-të.

Fabio Quagliarella shënoi dy gola të shpejtë para përfundimit të pjesës së parë duke u bërë futbollisti më i vjetër, 36 vjeç e 54 ditë, që shënon për Italinë.

I riu Moise Kean vazhdoi formën e lartë dhe shënoi për 5:0 në minutën e 69-të, para se Leonardo Pavoletti t’ia jepte goditjen e fundit vizitorëve në minutën e 76-të.

Shpërndaje në rrjete sociale

Lajmet më të lexuara

Të ngjashme

Foto lajm