Granit Xhaka iu bashkua Arsenalit në muajin korrik të vitit 2016 nga skuadra gjermane Borussia Monchengladbach për një tarifë prej 35 milionë funta.
Xhaka ka kaluar një kohë të mirë te Arsenali, por nuk ka përmbushur pritshmëritë fillimisht me kalimin e tij te skuadra në veri të Londrës, transmeton portali arbresh.info.
26-vjeçari ka bërë deri tani 126 paraqitje brenda të gjitha kompeticioneve.
Gjatë këtyre 126 ndeshjeve, Xhaka ka shënuar 11 gola – shumica e tyre “raketa” nga distanca dhe ka asistuar 14 herë për “Topçinjtë”.
Xhaka është gjithashtu fitues i Kupës FA.
E ardhmja e tij e paqartë
Kur Lucas Torreira dhe Matteo Guendouzi u transferuan nga Arsenali verën e kaluar, tifozët besonin se Xhaka do të largohej nga formacioni si titullar në skuadër.
Megjithatë, pavarësisht se ka qenë në konkurrencë me dy top mesfushor qendror, Xhaka ka luajtur 32 ndeshje brenda të gjitha kompeticioneve këtë sezon duke shënuar katër herë dhe duke asistuar tri herë, transmeton portali arbresh.info.
Edhe pse duket qartë se është ende pjesë e planeve të trajnerit Unai Emery, Xhaka ka lënë të kuptohet se mund të largohet në të ardhmen nga Arsenali.
Ai aktualisht është në detyrë te Zvicra dhe duke folur për mediat, ai ka thënë:
“Unë jam shumë ambicioz, dua të marr hapin tjetër, Arsenali nuk do të jetë ndalesa e fundit”
Xhaka pritet të jetë pjesë e formacionit startues në takimin e sotëm të Zvicrës kundër Gjeorgjisë./arbresh.info/
“Përfitoi 40 mijë euro”, Gjykata merr një vendim për personi...
A mund të bëjë për vete votuesit ruralë kandidati demokrat p...
Policia ndalon një person pasi tentoi të fuste ilegalisht rr...
Vullneti shpjegon për mënyrën e fitimeve nga rrjetet sociale
Ndërgjegjësimi ndaj kancerit të gjirit, IKShPK: Inkurajohen ...
Maqedonci, Turqisë: Do të jeni adresa më e shpeshtë për bler...