Në Universitetin e Gjilanit “Kadri Zeka”, kanë aplikuar rreth 1 mijë maturantë deri në ditën kur edhe është mbyllur konkursi plotësues për pranimin e studentëve në vitin e parë të studimeve themelore – bachelor në vitin akademik 2015/2016 në afatin e shtatorit.

Universiteti i Gjilanit“Kadri Zeka”, në vitin e parë të studimeve, në afatin e dytë të konkursit për vitin akademik 2015-2016, do të regjistrojë 657 studentë, prej të cilëve 488 studentë të rregullt dhe 169 studentë me korrespondencë.

Vaxhid Sadriu, sekretar i përgjithshëm i Universitetit ”Kadri Zeka” në Gjilan tha seprocesi i aplikimit ka shkuar mire dhe gjithçka ka shkuar mbarë.

Ndërkohë, në Universitetin “Kadri Zeka” në Gjilan nesër do të mbahen provimet pranuese.

Shpallja e rezultateve të provimit pranues do të bëhet më 21.09.2015. Kandidatët që refuzohen mund t’i paraqesin ankesë Komisionit për ankesa, me date 22.09. 2015. Ankesat do të shqyrtohen më 23 shtator 2015. Publikimi final i rezultateve pas ankesave bëhet më datë 25 shtator 2015.

Sekretari i Përgjithshëm i Universitetit të Gjilanit, Vaxhid Sadriu, ka thënëse janë bërë planifikimet me të gjitha njësitë akademike, ku regjistrimi i studentëve do të bëhet nga 28 shtator deri më 03 tetor 2015, në mënyrë që procesi mësimor të fillojë mbarë.