Skuadrat kanë filluar t’ia kuptojnë Messit goditjet e dënimit

23:24 | 9 Mars 2019
A. B.

Nuk është më një rastësi që Lionel Messi nuk shënon gola nga goditjet e dënimit, madje edhe kur ato janë të vendosura në pozicionin e preferuar nga ylli argjentinas i Barcelonës.

Rasti më flagrant është ai i ndeshjes së të shtunës mbrëma ndaj Rayo Vallecano, e fituar nga katalanasit me rezultatin 3-1. Lionel Messi ekzekutoi një goditje dënimi, në pozicionin e preferuar të tij dhe me stilin e konsoliduar si të suksesshëm, por çuditërisht topi u ndal nëpërmjet skemës mbrojtëse të kundërshtarit.

Ishte mbrojtësi i Rayo Vallecano, Alex Moreno ai që bëri lëvizjen që shtangu të gjithë dhe njëkohësisht ndali përpjekjen e argjentinasit të Barcelonës. Mbrojtësi i Rayo Vallecano ishte pranë murit dhe në momentin kur Messi do të ekzekutonte goditjen e dënimit, Moreno nxitoi drejt portës, duke larguar me kokë topin e goditur nga “Pleshti”.

Një stil mbrojtës ky, që sikurse raporton “AS” është aplikuar më parë ndaj Barcelonës dhe Messit edhe nga Athletic Bilbao.

 

Shpërndaje në rrjete sociale

Lajmet më të lexuara

Të ngjashme

Foto lajm