Elina Duni performon sonte në Prishtinë

08:19 | 18 Shtator 2015
M. A.

Këngëtarja e mirënjohur shqiptare e xhazit Elina Duni me kuartetin e saj sonte do të mbajë koncertin në Prishtinë, në kuadër të turneut ballkanik në të cilin promovon albumin e saj më të ri “Dallëndyshe”.

Repertori i albumit dhe koncertit përmban këngë mërgimi, dashurie dhe këngë të vjetra shqiptare që ndërthuren me tingujt bashkëkohorë xhaz të kuartetit, i cili tashmë ka dhjetë vjet që luan nëpër Evropë.

Duni, e cila jeton dhe krijon në Zvicër, para Prishtinës mbajti koncerte në Tiranë dhe Prishtinë, ndërsa turneun do ta përfundojë nesër mbrëma me një koncert në kryeqendrën e Serbisë, Beograd.

Koncerti në Prishtinë mbahet në Amfiteatrin e parkut Gërmia dhe fillon në orën 19:30.

Shpërndaje në rrjete sociale

Lajmet më të lexuara

Të ngjashme

Foto lajm