Keita konfirmon rikthimin te Interi

16:54 | 8 Mars 2019
Arbresh Info

Keita Balde Diao ka konfirmuar se mund të rikthehet te Interi në ndeshjen këtë vikend kundër SPAL-it në Serie A.

Keita nuk ka luajtur për skuadrën e tij gjatë këtij viti kalendar si pasojë e një lëndimi në kofshë, por anësori shkroi një postim në Instagram duke zbuluar për rikthimin e tij, transmeton portali arbresh.info.

“Jam i gatshëm për të dielën”, ka shkruar Keita në llogarinë e tij.

Ish anësori i Lazios mbushi 24 vjeçar sot (e premte) dhe ka shënuar katër gola për “Nerazurrët” gjatë këtij sezoni duke ofruar po ashtu edhe tri asistime.

Interi gjithashtu ka opsionin për blerjen e senegalezit nga Monaco në fund të sezonit për 30 milionë euro./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm