Google ADS

Aksidenti në Gjilan s’kishte të bënte me sulm terrorist

22:20 | 7 Mars 2019
L G

Kryetari i Gjilanit, Lutfi Haziri, ka hedhur poshtë të gjitha spekulimet se aksidenti i sotëm i komunikacionit në këtë qytet ka të bëjë me sulm terrorist.

Haziri, duke folur për aksidentin e rëndë në komunën e tij, ka thënë se pasojat janë të mëdha – si në njerëz, ashtu edhe dëme materiale.

Haziri ka përmendur edhe dyshimet për sulm terrorist, duke thënë se nuk duhet të ngutemi me konstatime të tilla.

‘’E pashë që mediat janë munduar të japin alarmin për sulm terrorist. Por jo. Nuk guxojmë të dalim me diçka të tillë shpejt. Është parë që ka të bëjë me probleme të tjera. Dhe në 17:30 e kam shpallur gjendje normaliteti në komunë’’, ka thënë Haziri në RTV Dukagjini.

“Kam dalë në vendin e ngjarjes pas 3 minutave, afër 1 kilometër është shkaktu dëmi material nga ky aksident. Si duket shoferit të kamionit s’i ka funksionuar as timoni. Ka mbetur vetëm ashtu. Pasojat janë të tilla. Ka humbur jetën një ndërmarrës i zoti. Njerëzit janë ngujuar në vetura”, ka thënë Haziri.

 

 

Shpërndaje në rrjete sociale

Lajmet më të lexuara

Të ngjashme

Foto lajm