Maqedoni, propozim-ligji për planifikim urbanistik kalon në Qeveri, do të shqyrtohet në Kuvend

22:37 | 5 Mars 2019
Arbresh.info

Qeveria në seancën e sotme ka miratuar propozim-ligjin për planifikim urbanistik, me të cilin propozohet mënyrë më e mirë dhe më efikase për rregullimin e planifikimit hapësinor dhe urbanistik.

Në seancë është miratuar edhe informacioni për vënien në përdorim të sistemit të ri të përpunimit të dokumenteve doganore dhe të akcizës, me të cilin do të mundësohet zbatim i sigurisë, në përputhje me standardet e Organizatës Botërore të Doganave dhe BE-së, përcjell Telegrafi Maqedoni.

Në seancën e qeverisë gjithashtu ka kaluar edhe propozim-ligji për ndryshim dhe plotësim të Ligjit për kadastër dhe patundshmëri, i cili pritet të përmirësojë klimën afariste në vend.

Sipas Qeverisë, cilësia më e lartë e të dhënave të regjistruara në Kadastër dhe rritja e përqindjes së të drejtave të regjistruara do të forcojnë besimin në librin publik dhe do të kontribuojnë në transparencën e institucioneve./Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm