Dhuna ndaj gjyqtarit Eldorian Hamiti ishte kryefjala e ditës së djeshme në vendin tonë, me episodin që u konsiderua nga të gjithë aktorët si i turpshëm dhe që prish imazhin e futbollit në vend.

Por, një ngjarje e rëndë vjen nga Turqia. Protagonist është futbollisti i Amed SK, Mansur Calar, që ka masakruar kundërshtarët e tij, të Sakaryaspor me një brisk rroje. Në një derbi që pritej të ishte i nxehtë, Calar ka kërkuar ndihmën e briskut për të “sulmuar” kundërshtarët. Në një video të publikuar nga mediat vendase, dhe konkretisht “DHA” duken qartë sulmet me brisk të Calar kundrejt kundërshtarëve të tij.

I njëjti burim pohon se një numër i madh lojtarësh të Sakaryasporit kanë ngritur akuza kundër rivalit të tyre, me policinë që ka nisur hetimet rreth ngjarjes, ndërsa gjithashtu i bëri thirrje Federatës Turke të Futbollit (TFF) që të ndërmarrin veprimet konkrete.

Amedsporlu futbolcu Mansur Çalar, Sakaryaspor maçına elinde gizlediği jiletle çıktı ve rakip takım futbolcularını yaraladı@TFF_Orgpic.twitter.com/QHhal7r14n

— SPOR (@yenisafakspor) March 3, 2019