Google ADS

Organizata e Kombeve të Bashkuara vë në shënjestër Italinë

22:36 | 2 Mars 2019
Arbresh.info

OKB vë nën shënjestër Italinë. Sipas një raporti të fundit, Italia po shkel të drejtat e njeriut dhe të emigrantëve dhe nuk respekton detyrimet ndërkombëtare. Ekspertët shprehin shqetësim e tyre për situatën italiane si kriminalizimi i emigrantëve dhe racizmit në rritje.

Kombet e Bashkuara pohojnë se njohin rolin që Italia ka luajtur duke shpëtuar emigrantët në det vitet e fundit, si dhe janë në dijeni të sfidave me të cilat përballet vendi në mungesë të një politike. Por sipas tyre një situatë e tillë nuk mund të përdoret si një justifikim për të shkelur të drejtat e njeriut dhe të emigrantëve.

Sipas raportit të publikuar në revistën La Repubblica, që ka publikuar disa pjesë të raportit, tregohet edhe refuzimi që Italia i bën kërkesës për zbarkim të anijeve të organizatave jo fitimprurëse në portet italiane.

Zëvendëskryeministri Italian Luigi Di Maio i konsideron këto të fundit si taksi deti, ndërsa Salvini i përshkruan anëtarët e këtyre organizatave si kontrabandues.

Shpërndaje në rrjete sociale

Lajmet më të lexuara

Të ngjashme

Foto lajm