Kryeministri izraelit takon Putinin në Moskë

10:35 | 27 Shkurt 2019
A. B.

Kryeministri izraelit, Benjamin Netanyahu pritet të takohet me presidentin rus, Vladimir Putin, teksa tensionet janë rritur për situatën në Siri dhe mbështetjen e Moskës për Iranin atje.

Para vizitës së 27 shkurtit në Moskë, Netanyahu ka thënë se bisedimet do të fokusohen në përpjekjet e Izraelit për të parandaluar Iranin, që të mos ketë prezencë afatgjatë në Siri.

“Ne do të vazhdojmë të veprojmë derisa të largojmë iranianët jashtë Sirisë, sepse Irani kërcënon që të shkatërrojë Izraelin”, ka thënë Netanyahu në një adresim përmes një videoje.

Lidhjet në mes të Moskës dhe Tel Avivit janë tensionuar prej muajit shtator, pasi një aeroplan rus është rrëzuar një brigjet e territorit sirian.

Të gjithë 15 rusët që kanë qenë në bord kanë vdekur.

Rusia ka thënë se aeroplanët luftarakë të Izraelit duhet fajësuar për këtë ngjarje.

Megjithatë, Rusia ka mbajtur lidhje me Izraelin pavarësisht mbështetjes së Moskës për Iranin dhe Qeverinë Siriane./rel

 

Shpërndaje në rrjete sociale

Lajmet më të lexuara

Të ngjashme

Foto lajm