Një “marrëveshje” mes Doganës së Kosovës dhe një kompanie private e lidhur para 18 vjetësh, për ruajtjen e derivateve të naftës së konfiskuar që futej jashtëligjshëm atëkohë në Kosovë, sipas hetuesisë, ka qenë duke përfunduar me dëm në vlerë prej rreth 14 milionë eurosh për këtë institucion.
“Marrëveshja” e atëhershme ishte që rreth 230 mijë litra naftë të ruheshin në kompaninë “Tricom”. Sipas dyshimeve të hetuesisë sasia e këtyre derivateve kurrë nuk i është kthyer Doganës, shkruan sot Koha Ditore.
Por tani kompania “Tricom” e ka kalkuluar “qiranë” për rreth 200 mijë litra për 18 vjet. Nga informatat që hetuesia ia ka ofruar gazetës kjo kompani i ka kalkuluar qira mujore në shumë prej 0.27 eurosh për çdo litër të ruajtur për 18 vjet tek kjo kompani. Vlera e borxhit të “qirasë” për këta vjet ka arritur 14 milionë euro. “Tricom”, e cila ka gati 11 vjet që sipas dokumenteve është mbyllur, ka kalkuluar borxhin edhe për dekadën që nuk ka funksionuar.
Organet e drejtësisë pretendojnë se vetëm pasi pronari i kompanisë e ka kuptuar se mund të hetohet, e ka lidhur para dy javësh një kontratë me kompaninë “Realistic Comerc”, gjoja se që nga fundi i vitit 2008 kjo sasi e derivateve po ruhej në këtë kompani.
Por verifikimi i kësaj kompanie ka dëshmuar se ajo nuk e kishte në posedim asnjë litër derivate siç pretendonin. Dy rezervuarë të mëdhenj të mbushur me ujë e që kompania e paraqiste si naftë janë prova të incizuara që i posedon hetuesia në lidhje me këtë rast.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...