Barcelona bëri një hap të madh drejt titullit në La Liga pasditen e së shtunës dhe Lionel Messi ishte i kënaqur, madje edhe pse ka paralajmëruar se është ende një rrugë e gjatë para tyre.

Argjentinasi dëshiron të përfundojë fuqishëm këtë sezon dhe të garojë në gjithë tre titujt që Barcelona është ende në garë, transmeton portali arbresh.info.

“Këtu është ende një rrugë e gjatë në garën për titull, por ishte e rëndësishme për të fituar këtu dhe për të mbajtur diferencën”, ka thënë ai për beIN Sports pas ndeshjes.

“Ne kemi disa ndeshje edhe më të vështira përpara. Bëhet gjithmonë vështirë e më vështirë për të fituar”

“Ne nuk jemi duke lënë pas ndonjë turne”

“Ne jemi rrugës për të arritur në finale të Kupës së Italisë por ne kishim një meç shumë të vështirë sepse përballemi me Real Madridin në stadiumin e tyre”

“Por, ne do të shkojmë aty për të fituar dhe kemi besim se mund ta bëjmë këtë. Më pas ne do të mendojmë për ligën sërish”

“Ne do të përpiqemi për të fituar të gjitha”

Duke folur për fitoren kundër Sevillas, sulmuesi tha se e ka pritur që të jetë e vështirë ashtu siç ishte, transmeton portali arbresh.info.

“Ishte vështirë për të fituar këtu”, deklaroi ai.

“Ne e dimë se si janë gjërat në këtë stadium dhe ne e dimë lojtarët që ka Sevilla”

“Gjërat ishin ndryshe derisa ne ishim në disavantazh, por ne e dinim se si mund të përmbysim gjithë këtë”, përfundoi Messi./arbresh.info/