Një vajzë e re me nënshtetësi gjermane ka rrëfyer për mediat detajet nga jeta e saj e tmerrshme si bashkëshorte e një luftëtari të ISIS në Siri.

25-vjeçarja Derya O. vjen nga një familje turke që jeton në Gjermani. Ajo u martua me Mario Sciannimanica pasi e njohu luftëtarin e ISIS nga Facebook-u, por që në natën e parë të martesës përjetoi tmerrin e vërtetë.

“Kur e pashë Marion për herë të parë me veshjen e ushtrisë, mjekrën e  tij të gjatë dhe armën , ai u duk shumë i mirë”, rrëfeu ajo.

Derya tregon se pas martesës ata u shpërngulën në Siri. Ata të dy u shpërngulën në Irak, ku edhe lindi djali i tyre i parë në 2015, por ata kishin mosmarrëveshje të shumta dhe kështu u ndanë.

Derya tregon se e kaloi natën e parë të martesës në një dhomë torturuese të mbuluar me gjak.

“Ne u strehuam në një shtëpi që përdorej për tortura, ku kishte pranga të varura në tavan dhe gjak kudo nëpër mure. Ishte shumë e frikshme”, ka treguar Derya.

Nga një lidhje tjetër e dështuar, ajo u kthye përsëri me burrin e saj të parë, i cili u akuzua për spiunazh kundër ISIS , dhe u ekzekutua nga ish shokët e tij pas një gjyqi të shpejt.

Pas vdekjes së burrit të saj, ajo u largua nga territori i ISIS duke përdorur trafikantët e njerëzve për të kaluar kufirin Siri-Turqi.

Derya u burgos në Turqi dhe është ende në paraburgim hetimor si një nga pesë anëtarët e ISIS të cilët u kthyen në atdheun e tyre pasi imigruan nga Siria.