Policia kap dy kamionë me mallra serbe në Zubin Potok

13:37 | 16 Shkurt 2019
A. B.

Dy kamionë me mallra serbe kanë arritur që të hyjnë në Kosovë përmes rrugëve ilegale. Kamionët me targa të Serbisë, janë gjetur të parkuar në Sarpel të Zubin Potokut nga njësia policore patrulluese.

Sipas raportit të Policisë njëri prej kamionëve kishte ngarkesë të llojit të ndryshëm ushqim për kafshë, ndërsa tjetri prodhime ushqimore të produktit të qumështit (jogurt).

“Njësia policore patrulluese ka hasur në dy kamion me targa të Serbisë të parkuar në lokacion e lartcekur. Kamionët e parkuar kanë hyrë në Kosovë përmes rrugëve alternative, duke iu shmangur pikës kufitare. Njëri prej kamionëve kishte ngarkesë të llojit të ndryshëm ushqim për kafshë, ndërsa tjetri prodhime ushqimore të produktit të qumështit (jogurt)”, thuhet në raport.

Për këtë rast, është njoftuar prokurori kompetent dhe rasti është duke u hetuar.

 

Shpërndaje në rrjete sociale

Lajmet më të lexuara

Të ngjashme

Foto lajm