Përfaqësuesja e lartë e Bashkimit Evropian (BE) për Punë të Jashtme dhe Politikë të Sigurisë, Federica Mogherini, tha se ekzistojnë çështje mbi të cilat nuk ndajnë mendimin të njëjtë me Shtetet e Bashkuara të Amerikës (SHBA), raporton Anadolu Agency (AA).
Mogherini ka dhënë deklaratë për mediat në shtabin e NATO-s, në të cilën arriti për të marrë pjesë në takimin e ministrave të mbrojtjes të Aleancës.
Përfaqësuesja e lartë paralajmëroi takimin me ministren e Mbrojtjes të Maqedonisë së Veriut, Radmilla Shekerinska, duke kujtuar se Bashkimi Evropian (BE) që nga fillimi fuqishëm ka mbështetur zgjidhjen e kontestit për emrin me Greqinë.
Mogherini në takimin e ministrave të mbrojtjes të NATO-s dhe partnerëve evropianë do të flasë për hapat që Evropa i ka marrë në fushën e sigurisë.
“Një BE më e fuqishme në fushën e mbrojtjes do të fuqizojë NATO-n dhe do të mundësojë siguri në kontinent”, tha Mogherini.
E pyetur pse nuk merr pjesë në Konferencën e Lindjes së Mesme në Poloni, Mogherini tha se bashkëpunimi BE-NATO është i rëndësishëm dhe për këtë arsye merr pjesë në takimin e ministrave të mbrojtjes të NATO-s.
Përfaqësuesja e lartë e BE-së rikujtoi se Brukselin nesër do ta vizitojë sekretari amerikan i Shtetit, Mike Pompeo.
“Ka çështje për të cilat kemi qëndrime të përbashkëta me Shtetet e Bashkuara të Amerikës, ka edhe çështje me të cilat nuk pajtohemi. Kemi pikëpamje të ndryshme mbi marrëveshjen bërthamore me Iranin”, rikujton Mogherini.
Çitaku për Hamzën: Dramën ua lëmë aktorëve, qeverisjen profe...
Nesër mbahet “Forumi për Sportin”
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...