LDK-ja për të hyrë në dialog kërkon postin e kryeministrit dhe dorëheqjen e Veselit

22:30 | 6 Shkurt 2019
Arbresh.info

Në një rinkonfigurim të qeverisë atëherë Lidhja Demokratike do të udhëhiqte me Qeverinë. Po ashtu, PDK duhet ta lëshojë postin e kryetarit të Kuvendit meqë kjo parti e ka presidencën. Ky është skenari sipas Lutfi Hazirit i mundshëm për një qeveri gjithëpërfshirëse me anë të se cilës mund të vazhdohet dialogu me Serbinë.

Sipas tij, pa u rrëzuar qeveria, përmes marrëveshjes gjithëpërfshirëse, dy postet, ai i kryeministrit dhe kryetarit të Kuvendit duhet tu takoj dy partive opozitare.

“Kryetari i Kuvendit nuk i takon PDK-së, duhet ta marrë partia tjetër, e merr Vetëvendosja, njëjtë qeveria nuk i takon PAN-it”, ka thënë ai.

“30 ditë pas përfundimit të dialogut duhet të shkojmë në zgjedhje”.

Haziri bëri të ditur se kishte ofertë nga Partia Demokratike, që të bëhen bashkë dhe ta rrëzojnë kryeministrin Ramush Haradinaj.

“Nuk ka pasur të bëjë me LDK-në shumë, ka pasur të bëj me rrëzimin e kryeministrit Haradinaj”.

Shpërndaje në rrjete sociale

Lajmet më të lexuara

Të ngjashme

Foto lajm