Google ADS

Jazbec: Sllovenia sot do ta ratifikojë protokollin për anëtarësim të Maqedonisë në NATO

16:51 | 6 Shkurt 2019
Arbresh.info

Ambasadori i Sllovenisë në Maqedoni, Milan Jazbec tha se sot është një ditë historike që rrallë ndodhë në jetën tonë. Unë uroj autoritetet e Maqedonisë dhe të gjithë ata që kontribuan për këtë, dhe sot e bënë të mundur që Maqedonia me nënshkrimin e protokollit të pranimit defakto të bëhet anëtare e 30-të e Aleancës.

Ai tha se që nga sot përfaqësuesit e vendit do të jenë në të gjitha mbledhjet e trupave punuese të NATO-s dhe do të debatojnë, përveç Bordit NATO-Rusi dhe Bordit Bërthamor, por nuk do të kenë të drejtën e votimit derisa të përfundojë ratifikimi në të gjitha shtetet anëtare.

Ai tha se kryeministri Zoran Zaev dhe ministri i mbrojtjes Radmilla Sheqerinska tashmë ishin thirrur në samitin e NATO-s.

Në lidhje me ratifikim e protokollit në kuvendin e Sllovenisë, Jazbec tha se kjo mund të ndodhë ditën e martë.

Jazbec theksoi se me këtë hap Maqedonia ka dhënë një kontribut të madh në zhvillimin pozitiv dhe perspektivat dhe të ardhmen e rajonit.

 

Shpërndaje në rrjete sociale

Lajmet më të lexuara

Të ngjashme

Foto lajm