Presidenti i vetëshpallur i Venezuelës Juan Guaido u ka bërë thirrje dhjetëra mijëra mbështetësve që të mobilizohen për demonstrata në shkallë vendi.
Protestat e së shtunës kanë për qëllim ngritjen e presionit ndaj presidentit Nicolás Maduro për të dhënë dorëheqje dhe për të thirrur një zgjedhje të menjëhershme presidenciale, transmeton portali arbresh.info.
Guaidó u shpall president muajin e kaluar dhe u njoh menjëherë nga Shtetet e Bashkuara dhe disa vende të Amerikës Latine.
Rusia dhe Kina mbështesin Presidentin Maduro.
Vendet e mëdha evropiane i kanë dhënë afat presidentit Maduro deri të dielën për të shpallur zgjedhje të reja përpara se të bashkohen me vendet që njohin z. Guaido si president të përkohshëm të Venezuelës.
Mbështetja ushtarake shihet si vendimtare për mbajtjen e zotit Maduro në pushtet.
Guaido, ndërkohë, thotë se ka mbajtur takime sekrete me ushtrinë për të fituar mbështetjen për largimin e z. Maduro.
Ai ka kontaktuar gjithashtu me Kinën, me shpresën e përmirësimit të marrëdhënieve me vendin.
Në komentet e publikuara në South China Morning Post të shtunën, Z. Guaidó tha se donte një marrëdhënie “produktive dhe reciproke të dobishme” me Kinën, duke shtuar se ai ishte i gatshëm të përfshihej në dialog “sa më shpejt që të ishte e mundur”./Arbresh.info/
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...