Kosova ka siguruar edhe një ndeshje miqësore para fillimit të kualifikimeve për kampionatin evropian 2020.
Përfaqësuesja jonë edhe zyrtarisht do të takohet me një prej kombëtareve të mëdha të kontinentit të vjetër, Danimarkën.
Kështu ka pohuar në një prononcim për Telegrafin, zyrtari i Federatës së Futbollit të Kosovës, Mirsad Çollaku.
Mirsad Çollaku, zyrtar i Federatës së Futbollit të Kosovës
Ai ka treguar se ndeshja mes këtyre dyja ekipeve do të zhvillohet në fushën e stadiumit të Prishtinës, më 21 mars.
“Po është e vërtetë që Kosova do të luajë me Danimarkën. Ndeshja do të luhet më 21 mars në kryeqytetin tonë”, ka pohuar prizrenasi.
Theksojmë se katër ditë para takimit me danezët, Kosova do të luajë ndeshjen e parë për kualifikuese me Bullgarinë.
Kujtojmë se ‘dardanët’ kanë rast të artë që edhe përmes ‘play-off’ të kualifikohen në Euro 2020, ku do të takohet në gjysmëfinale me Maqedoninë.
Ndryshe, Kosova në kualifikuese është në grup me Anglinë, Malin e Zi dhe Republikën e Çekisë. /Telegrafi/
Barça deklason Bayern, Atletico bie nga Lille, Inter fiton m...
Interesim i lartë për Fest 2, rezervohen biletat për natën f...
Ilir Meta mbetet në burg, flet avokati i tij pas këtij vendi...
Misioni amerikan në OKB shkruan për takimin e Ambasadorit Wo...
Çfarë e shkakton gjakderdhjen nga hunda/ Si ta ndaloni atë
Arbenita i reagon ashpër Feros: Unë jam ende me trauma dhe e...