“Gripi kurohet me facoleta të përdorura”, kompania i shet për 70 euro

13:38 | 29 Janar 2019
Arbresh.info

Të kurosh gripin dhe virozat në mënyrë natyrale? Për një kompani kaliforniane, ka një mënyrë të çuditshme për ta bërë: duke blerë një kuti me facoleta të përdorura, plotë me viruse, të cilat lejojnë që të forcohet sistemi imunitar.

Ideja e pazakontë i erdhi një danezi, i cili krijoi në Shtetet e Bashkuara të Amerikës kompaninë ‘Vævtissue’, e cila merret pikërisht me këtë produkt.

Kompania e përkufizon veten si “kompania e facoletave më të guximshme në botë”.

“Besojmë se kur vjen stina e gripit, duhet të përgatitesh që të sëmuresh sipas mënyrës tënde. Nuk bëhet fjalë për substanca kimike apo ilaçe që japim ne të Væv.

Kemi bindjen se përdorimi i një facolete që mbart një teshtime njerëzore, është më e sigurtë se sa shiringat apo pilulat. Nuk është si çdo facoletë që ke përdorur më parë, neve na pëlqen ta bëjmë, por do e bësh edhe ti”, deklaron kompania, citon noa.al.

Në dyqanin online të Vævtissue këto facoleta shiten për 79.99 dollarë, ose rreth 70 euro.

 

Shpërndaje në rrjete sociale

Lajmet më të lexuara

Të ngjashme

Foto lajm