Policia e Kosovës sot në Mitrovicë i ka kapur 140 paketime me mallra ilegale nga Serbia.
Sipas mediave serbe dhe të të ashtuquajturës zyre për Kosovën, këto pako ishin të dedikuara për filloristët në Gorazhdec dhe Osojan.
E në arsyetimin e Policisë së Kosovës thuhet se pakot përmbanin prodhimi ilegale nga Serbia.
Zyra për Kosovën thekson se vozitësi i “Kolashin Prevoz” i cili i bartte pakot për Gorazhdec dhe Osojan bashkë me autobusin është sjellë në Prishtinë për shkak të shkeljes ligjore, shkruan Ballkani.info.
“Edhe pse një pjesë e pakove para disa ditës legalisht ka hyrë në Kosovës përmes kalimit kufitar (administrativ) në Jarinë, Policia e Kosovës në mënyrë të paarsyeshme dhe të dhunshme ka penguar që fëmijët tanë në Dukagjin të gëzohen me rastin e festës së Sveti Savës”, thuhet në njoftimin e Zyrës për Kosovën.
Kjo zyre akuzon autoritetet kosovare se kinse i kanë shkatërruar ato pako dhe se “nuk po mjaftohen me bllokadën e mallrave të prodhuara në Serbi, por tash po i shpallin ilegale çdo gjë që është prodhuar në Serbi, duke i vënë edhe smokit në nivel të njëjtë sikur narkotikët dhe armët”.
“Një pjesë e pakove është shkatërruar. Hapi i radhës i Prishtinës mos është ndoshta arrestimi i Babadimrit apo Bates së Krishtlindjes”, thuhet në njoftimin e të ashtuquajtures zyre për Kosovën. /Ballkani.info/
Ministri serb: Arrestohet ish-pjesëtari i UÇK-së në pikën ku...
Begaj në Skrapar: Investimet në infrastrukturë do të ndihmoj...
OKB: Asnjë ndihmë ushqimore nuk ka hyrë në veri të Gazës që ...
Maratona e Tiranës, Veliaj: Mundësi për të promovuar kulturë...
Shoqata e Prokurorëve dënon kërcënimet ndaj u.d të kryeproku...
Krasniqi: PDK-ja nuk do të rri duarkryq derisa ushtarët tanë...