Barazim spektakolar mes Atalantas dhe Romës

17:15 | 27 Janar 2019
Arbresh.info

Atalanta ka arritur që të rikthehet nga një disavantazh prej tre golash ndaj Romës për të siguruar në fund një pikë mjaft të vlefshme në një ndeshje që u mbyll me rezultatin 3:3, transmeton zeri.info

Romakët e filluan në mënyrë të shkëlqyeshme takimin duke realizuar qysh në minutën e tretë përmes Edin Dzekos.

Ky i fundit e gjeti edhe golin e dytë të sfidës në minutën e 33-të, para se epërsinë e mysafirëve në 3:0 ta çonte Stephan El Shaarawy (40’).

Ndërkohë, vendasit arritën që ta mbyllnin me gol pjesën e parë përmes Timothy Castagnes që e ngushtoi epërsinë në 3:1 minutën e 44-të.

Pjesa e dytë i takoi tërësisht Atalantas.

Në minutën e 59-të vendasit e ngushtuan në 3:2 epërsinë e romakëve me anë të golit të Rafael Toloit, derisa rezultatin e barazuan në minutën e 71-të falë Duvan Zapatas, i cili vetëm pak minuta më herët e kishte humbur një penallti./Zëri

Shpërndaje në rrjete sociale

Lajmet më të lexuara

Të ngjashme

Foto lajm