Pierre Emerick Aubameyang ka shkruar historinë te Arsenali në disfatën 3 me 1 të skuadrës së tij në FA Kupë kundër Manchester United mbrëmjen e së premtes.
Aubameyang ka shënuar për Arsenalin kundër Manchester United, por goli i tij nuk ishte i mjaftueshëm dhe kështu “Topçinjtë” u eliminuan në raundin e katërt nga FA Kupa, transmeton portali arbresh.info.
Mysafirët kaluan në epërsi përmes sulmuesit Alexis Sanchez, i cili pasi kaloi portierin Petr Cech dërgoi në formë të shkëlqyer topin në rrjetë.
Manchester United më pas dyfishoi epërsinë me anë të Jesse Lingard dhe pavarësisht golit nga Aubameyang për 2 me 1, skuadra e Ole Gunnar Solskjaerit shënoi fitore me golin e tretë nga Anthony Martial.
Sidoqoftë, për sulmuesin Aubemayang, kjo natë ishte historike.
Me këtë gol reprezentuesi gabonez u bë lojtari i parë në histori të Arsenalit që ka gjetur rrjetën në çdo ditë të javës brenda një sezoni të vetëm.
Vetëm goli në ditën e premte i mungonte atij për shkak se kishte gjetur rrjetën në çdo ditë tjetër më parë./arbresh.info/
https://twitter.com/Squawka/status/1088900740565864448
NATO: Anëtarësimi i Kosovës në NATO kërkon konsensusin e 32 ...
Von der Leyen arrin në Serbi, pritet nga Vuçiqi
Ancelotti: Nuk ka favorit në El Clasico, është një lojë e ko...
Balluku takim me të moshuarit në Lushnjë: Zgjerim i shërbime...
Kurti vizitoi për ngushëllime familjen Koshi
Gjykimi në rastin “Januzi dhe të tjerët” fillon ...