Jesse Lingard është përfshirë në një grindje me fjalë me tifozët e Arsenalit, pasi një monedhë ishte hedhur në drejtim të mesfushorit të Manchester Unitedit në ndeshjen e të premtes mbrëma mes dy skuadrave.
Djajtë e Kuq fituan me rezultat 3-1 në Emirates kundër Topçinjve, për të siguruar kualifikimin në raundin e pestë të Kupës FA.
Alexis Sanchez e zhbllokoi rezultatin kundër ish-skuadrës së tij, para se Lingard ta dyfishonte rezultatin.
Pierre Emerick-Aubameyang u dha shpresë vendasve në fund të pjesës së parë, mirëpo Anthony Martial e vulosi fitoren e Djajve të Kuq duke realizuar në gjysmën e dytë.
Kur po afrohej fundi i ndeshjes, Marcus Rashford dhe Sead Kolasinac patën një fërkim me njëri-tjetrin, ndërsa Lingard ishte njëri nga futbollistët që ndërhyri për ta qetësuar situatën.
Mirëpo, në një moment, mesfushori u kthye kah tifozët dhe filloi një zënkë verbale me ta. Më pas u kuptua se tifozët e kishin gjuajtur 26-vjeçarin me një monedhë.
Xhirimet më pas treguan se Ashley Young e kishte marrë monedhën dhe ia kishte dorëzuar gjyqtarit anësor.
Menjëherë pas incidentit, trajneri Ole Gunnar Solskjaer e zëvendësoi Lingard, ndërsa vlen të theksohet se kjo ishte fitorja e tetë rresht nën drejtimin e strategut norvegjez, i cili e zëvendësoi Jose Mourinhon.
Kurti pas takimit me O’Brien: Serbia s’po nënshkruan dhe po ...
Vuçiq nuk merr pjesë në samitin BRICS, Serbia përfaqësohet m...
Hamza në Gjakovë: Me qeverisje të përgjegjshme do ta zhvillo...
Pas imitimit nga Rrezi, ky është mesazhi që i çoi Produksion...
Përparim Rama: Kur ngecni në trafik, dilni nga vetura ose le...
Uzuni është shumë afër të bëhet golashënuesi më i mirë në hi...