Rritet niveli i Badovcit, bien reduktimet e ujit

09:35 | 24 Mars 2015
Arbresh.info

Uji në Liqenin e Badovcit ka mbërritur nivelin maksimal, ndërsa kjo pritet të zvogëlojë reduktimet e ujit të pijes për ata që furnizohen prej tij.

Arjeta Mjeku, zëdhënëse e Ujësjellësit Rajonal “Prishtina” tregon se vetëm edhe dy herë të tjera ky liqen kishte mbërritur këtë nivel, raporton kallxo.com

“Liqeni i Badovcit ka arritur kuotën maksimale. Kjo është një e mirë pasi që furnizimi me ujë për qytetarët do të jetë në nivel. Që nga vitet e shtatëdhjeta është hera e tretë që ky liqen arrin kuotën maksimale, “ thotë zëdhënësja Mjeku.

Ajo bën me dije se reduktimet e ujit të pijes do të jenë shumë më të shkurtra.

“Ne do të punojmë me kapacitete maksimale në stinën e verës dhe kjo siguron ujë të mjaftueshëm për të gjithë qytetarët në zonën e shërbimit, pra për 40 për qind që furnizohen direkt nga liqeni i Badovcit. Mirëpo normalisht reduktimet do të jenë prezente, por ato do të jenë minimale që realisht edhe konsumatori të mos i vërejë shumë,” shprehet Mjeku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm