Komuna e Drenasit ndan shporta 240 litërshe të mbeturinave të reciklueshme në lagjen e Feronikelit

16:10 | 24 Janar 2019
Arbresh.info

Komuna e Drenasit, përkatësisht Drejtoria e Shërbimeve Publike dhe Emergjencë ne bashkëpunim me GAC dhe KRM “Pastrimi”, kanë vazhduar me zbatimin e Planit Komunal të pilot projektit për ndarjen e mbeturinave të reciklueshme në burim.

Implementimi i këtij plani sipas pilot projektit ka filluar në qendrën e qytetit të Komunës së Drenasit dhe si vazhdimësi e projektit ka vazhduar në lagjen e Feronikelit.

Në këtë lagje janë shpërndarë shporta 240 litërshe të ndarjes së mbeturinave të reciklueshme.

Drejtoresha e Shërbimeve Publike dhe Emergjencë, Lumnije Krapi ka thënë se ky projekt do të zgjerohet edhe në zonat tjera të Komunës si rezultat i përmirësimit të shërbimeve komunale për menaxhimin e mbeturinave.

Shpërndaje në rrjete sociale

Lajmet më të lexuara

Të ngjashme

Foto lajm