Shoqata e Transportit Ndërqytetas paralajmëron se do të nisë protestat si studentët nëse nuk merren masa për ndalimin e subjekteve informale apo anulimin e linjave të shfuqizuara më parë. Të mbledhur në një takim përfaqësues e krerë të kësaj shoqate thanë se viti 2018 ka qenë negative për ta.
“Nga premtimet që na u bënë për vazhdimin e reformës së transportit dhe për heqjen e transportit të paligjshëm, organet, ministria kanë punuar shumë pak dhe ne jemi zhgënjyer. Ne nuk do të ndalojmë së kërkuari me të gjitha mjetet demokratike. E fundit dihet, është ajo që po bëjnë studentët”, u shpreh, kreu i shoqatës Kujtim Mema.
Mema tha se problematik mbetet edhe terminali për udhëtarët te “Shqiponja” në Tiranë.
“Te ‘Shqiponja’ është gangrenë, terminali një gangrenë e paparë. Kryetari i bashkisë premtoi që do bëhej terminali, ka 3 vjet as ka filluar dhe as ka ndërmend të fillojë. Një kryeqytet pa terminal”, shton Mema.
Përfaqësuesit e Shoqatës së Transportit Ndërqytetas thanë se do të kërkojnë një takim me ministren e re Belinda Balluku për të marrë zgjidhje për problemet e tyre.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...