Bashkimi Evropian thotë se “Brexit” pa marrëveshje do ta dëmtonte paqen në Irlandë

21:30 | 22 Janar 2019
Arbresh.info

Një Brexit pa marrëveshje do të dërgonte në një kufij të ngurtë në ishullin e Irlandës dhe do të pengonte programet e BE-së për të garantuar paqen në këtë zonë, deklaroi sot Komisioni Europian.

Ndërkohë që Britania e Madhe pritet të largohet nga BE-ja më 29 mars, po rritet frika se atje nuk do të ketë një marrëveshje tranzicioni, pasi një marrëveshje për ndarjen e negociuar mes Londrës dhe Brukselit u bllokua javën e kaluar nga Parlamenti Britanik.

Një pikë madhore mosmarrëveshjeje është i ashtuquajturi “backstop” që do të mundësonte mbajtjen hapur të kufirit mes Irlandës së Veriut, që do të largohet nga BE-ja si pjesë e Britanisë së Madhe, dhe me Republikën e Irlandës.

BE-ja mbështet “backstop”, pasi një kufij i ri mund të risillte dhunën prej disa dekadash që përfundoi në fund të viteve 1990 me Marrëveshjen e të Premtes së Mirë, përcjell Atsh.

Por nga ana tjetër, euroskeptikët britanikë i tremben faktit se një “backstop” do e mbante Londrën shumë të varur nga BE.

 

Shpërndaje në rrjete sociale

Lajmet më të lexuara

Të ngjashme

Foto lajm