Maqedonia dhe Bullgaria nënshkruajnë plan për bashkëpunim në fushën e shëndetësisë

17:05 | 22 Janar 2019
A. B.

Ministri i Shëndetësisë Venko Filipçe, sot ka nënshkruar plan për bashkëpunim në fushën e shëndetësisë për periudhën prej vitit 2019 deri 2021 me ministrin e Shëndetësisë të Bullgarisë, Kirill Ananiev.

Siç njoftojnë nga Ministria e Shëndetësisë, plani për bashkëpunim është nënshkruar me qëllim thellimin dhe nxitjen e bashkëpunimit në fushën e shëndetësisë dhe shkencat mjekësore mbi bazë të barazisë, reciprocitetit dhe interesit të përbashkët, përcjell Telegrafi Maqedoni.

Ministri bullgar i Shëndetësisë Kiril Ananiev, deklaroi se me këtë plan thellohet bashkëpunimi mes Maqedonisë dhe Bullgarisë dhe se kjo marrëveshje paraqet mundësi për përparimin e Maqedonisë në procesin e eurointegrimeve.

Plani për bashkëpunim i nënshkruar nga dy ministrat hyn në fuqi sot, ndërsa nga Ministria e Shëndetësisë e Maqedonisë thonë se do të vazhdojnë edhe më tej me bashkëpunimin me Bullgarinë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm