Kosova, temë diskutimi në takimin Vuçiq-Merkel

10:23 | 22 Janar 2019
Arbresh.info

Presidenti serb, Aleksandar Vuçiq do të qëndrojë deri më 25 janar në Davos, ku do të marrë pjesë në takimin vjetor të Forumit Ekonomik Botëror.

Në këtë ngjarje Vuçiq do të takohet me kancelaren gjermane, Angela Merkel. Gazeta serbe ‘Kurir’ thotë se gjatë këtij takimi Vuçiq dhe Merkel do të diskutojnë për Kosovën, ekonominë dhe integrimin evropian.

Po ashtu, ata do të flasin rreth vizitës së Merkelit në Beograd e cila është tejet e rëndësishme për Serbinë.

“Merkel tregon interes personal për Serbinë dhe rajonin, ajo dëshiron të ndihmojë në zgjidhjen e çështjes së Kosovës. Temat e bisedimeve do të jenë Kosova dhe ekonomia. Gjithashtu edhe vizita e re e saj në Beograd”, thotë gazeta.

Merkel më parë ka deklaruar se pa një Ballkan të qëndrueshëm nuk ka Evropë të qëndrueshme.

Ndërsa analisti serb, Dragomir Andjelkoviq ka thënë se temë e këtij takimi do të jetë edhe taksa 100 për qind e vendosur ndaj mallrave serbe.

 

Shpërndaje në rrjete sociale

Lajmet më të lexuara

Të ngjashme

Foto lajm