Sot në media u publikuan disa pamje ku shihet një i moshuar duke kërkuar ndihmë në Klinikën e Emergjencës.
Drejtori i Shërbimit Spitalor, Klinik dhe Universitar të Kosovës (SHSKUK), Basri Sejdiu, me tu publikuar video e të moshuarit nga Klinika Emergjente, ka reaguar menjëherë duke inspektuar nga afër rastin.
Ai ka bërë të ditur se ka nisur menjëherë hetimin e rastit.
“Meqenëse Klinika Emergjente monitorohet vazhdimisht me kamera, kam urdhëruar menjëherë kontrollimin e tyre për të parë se çfarë realisht ka ndodhur. Kam angazhuar edhe profesionistët shëndetësorë për të marrë të gjitha informatat e duhura me këtë rast”, ka thënë Sejdiu, shkruan lajmi.net.
Ai ka shtuar se nëse vërtetohet se ka pasur parregullsi, një papërgjegjësi e tillë nuk do të lejohet.
“Nuk do të lejojmë papërgjegjësi. Unë po pres tani të gjitha detajet në lidhje me këtë rast dhe nëse vërtetohet ndonjë parregullsi, dikush do të jap llogari. Ne po punojmë çdo ditë që të ndërtojmë një sistem publik shëndetësor të besueshëm dhe për qytetarët, andaj asnjë neglizhencë në vendin e punës nuk do të tolerohet”, ka thënë ai./Lajmi.net
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...