Xherdan Shaqiri iu ka bërë thirrje bashkëlojtarëve te Liverpooli për të vazhduar me mentalitetin fitues edhe në përballjen kundër Crystal Palaces këtë vikend.

Ylli kosovar ka shkëlqyer qysh pasi iu bashkua skuadrës së trajnerit Jurgen Klopp, por është ende një rrugë e gjatë para tyre drejtë titullit në Premierë Ligë, transmeton portali arbresh.info.

“Sigurisht, trajneri tenton të vë presion gjithmonë te lojtarët, kjo është shumë normale, por nëse ju e shihni se keni mundësi të vazhdoni tutje dhe të fitoni diçka atëherë ju duhet ta keni këtë mentalitet brenda jush dhe ta shfaqni në fushë”, ka thënë Shaqiri.

“Deri tani, mënyra se si kemi punuar ka qenë shumë, shumë e mirë dhe gjithçka ishte në krye, por ne duhet të vazhdojmë deri në fund. Kjo është e vështirë”

“Mendoj se mentaliteti, çdo lojtar i vetëm këtu duhet të ketë mentalitetin fitues”

“Edhe nëse nuk e keni, ju duhet të besoni në këtë dhe të krijoni një mentalitet fitues në dhomën e zhveshjes. Mbi të gjitha të fitoni ndeshje dhe të shkoni në fushë duke thënë ‘ne thjeshtë duam të fitojmë këtë ndeshje, asgjë tjetër’, kjo është e rëndësishme”

“Ju nganjëherë duhet të keni edhe durim. Ju mund ta shihni se sa e pjekur është skuadra sepse ju mësoni shumë nga këto lloj ndeshjesh”

“Deri tani, ne kemi luajtur shumë shumë mirë por kemi një rrugë të gjatë përpara për të shkuar”

Takimi kundër Crystal Palaces zhvillohet të shtunën në Anfield duke filluar nga ora 16:00./arbresh.info/