Deputeti nga radhët e LDK-së, Lumir Abdixhiku ka deklaruar se mllefi që disa po shfaqin ndaj LDK-së, lidershipit, anëtarësisë e aktivistave të tyre, është tregues i frikës.
Sipas tij, këta persona s’po mund ta durojnë një fakt; herë njëra e herë tjetra parti në pushtet.
“…LDK po vjen. Po vjen shpejtë, fortë e qartë. Dëshirat tuaja për ndarje, përçarje e rënie të LDK-së kanë marrë fund. Me të marrin fund dhe të gjitha politikat e mbrapshta të kapjes në këtë vend”, ka shkruar ai.
Postimi i plotë:
Qeverinë njëmend s’mund ta këshillojmë.
Sepse zanatin e tyre s’e dimë.
– Për me i humbë 16,000 vende pune në vit e me mbushë Kosovën kazino – nuk dimë.
– Për me i falë 54 milionë euro Bektelit pa asnjë vlerësim, por mos me e dënu kur ajo vonon punimet – nuk dimë.
– Me ua fshi bizneseve të ujit 52 milion euro tatime pa asnjë kriter veçse “na u ka tekë” – nuk dimë.
– Me e mbushë kabinetin me 400 ministra, zëvendësministra e këshilltarë; nga të cilët plot nën aktakuzë e nëpër gjykatë – nuk dimë.
– Me shti me armë, me u sillë si kapadai qeveritarë, e në fund me thënë punë e madhe që e shkelim ligjin – nuk dimë.
– Me i ulë investimet e jashtme nga 400 milionë në vetëm 100, rekord i ulët historik – nuk dimë.
– Me dënu polic që hetojnë pushtetarë, e me promovu politikanë të zënë në hajni – nuk dimë
– Me dështu në liberalizim, në secilin anëtarësim e me prodhu tërheqje njohjesh, 8 sosh – nuk dimë.
Këtu jeni të pakonkurrencë. Këtu s’mund t’iu ndihmojmë ne.
Tashti, mllefi që shfaqni ndaj LDK-së, lidershipit, anëtarësisë e aktivistave tanë është tregues i frikës që iu ka kapë. Spo mund ta duroni një fakt; herë njëra e herë tjetra parti në pushtet. LDK po vjen. Po vjen shpejtë, fortë e qartë. Dëshirat tuaja për ndarje, përçarje e rënie të LDK-së kanë marrë fund. Me të marrin fund dhe të gjitha politikat e mbrapshta të kapjes në këtë vend.
Federata “Vatra” nderon Haradinajn me titullin anëtar nderi ...
Vuçiq flet me Putin: Nuk do të vendosim sanksione ndaj Rusis...
Maratona, Veliaj: Sa më shumë të zhvillohet Tirana, aq më sh...
Bajrami – Muratit: Të vetmit që po keqintrepretoni e po mani...
Maratona e Tiranës, shpallen fituesit në distancën 21 km
Barcelona ka gjetur tanimë zëvendësuesin e Lewandowskit, por...