Google ADS

Serbia bëhet gati për vizitën e Putinit, blindohet Beogradi

19:22 | 11 Janar 2019
Arbresh Info

Serbia ka filluar përgatitjet për vizitën e presidentit të Rusisë, Vladimir Putin.

Presidenti i Rusisë, Vladimir Putin do të mbërrijë për vizitë në Serbi më 17 janar ku do të pritet nga presidenti serb, Aleksandar Vuçiq.

Ky do të jetë takimi i tyre i 15-të në nivel presidentësh. Mediat serbe raportojnë se kreu i Rusisë do të pritet në Beograd si kurrë më parë, transmeton lajmi.

Madje, një numër i pjesëtarëve më elitarë të njësive speciale ruse tashmë kanë mbërritur në Beograd para vizitës së Putinit.

Ata do të kontrollojnë gjithçka, çdo rrugë ku është parashikuar të kalojë Putin, vendet e takimeve, pajisjet e klimave, ushqimin, internetin e deri te mundësia e ndonjë sulmi me dron.

Putin pritet të shoqërohet në Beograd me 250 pjesëtarë të njësisë speciale ruse, e këtij numri do t’i shtohen edhe 7 mijë policë.

Shpërndaje në rrjete sociale

Lajmet më të lexuara

Të ngjashme

Foto lajm