Andy Murray ka zbuluar që planifikon t’i japë fund karrierës së tij pas Wimbledonit, por lëndimi mund të nënkuptojë që nuk mund të luajë pas Australian Open që është javën e ardhshme.
Britaniku 31 vjeçar ka luajtur vetëm 12 ndeshje vitin e shkuar, dhe me kthimin e tij në Brisbane International ai fitoi ndeshjen e tij të hapjes, por humbi në raundin e dytë, herë pas here duke çaluar, transmeton portali arbresh.info.
Ai tha se planifikon të luajë ndeshjen e tij të hapjes në Australian Open të hënën kundër numrit 22 botëror Roberto Bautista Agut.
Megjithatë, kur u pyetën nëse kjo do të ishte turneu i tij i fundit, ai tha: “Po unë mendoj se ka një shans për këtë, sepse nuk jam i sigurt se mund të luaj me dhimbje edhe për katër apo pesë muaj”.
Murray fshiu lotët gjatë një konference shtypi 10-minutëshe dhe në një moment u kapërcye aq shumë nga emocioni që ai doli jashtë.
Minuta më vonë ai u kthye për të folur rreth asaj se si sportin që dominonte jetën e tij e kishte lënë atë me një dëmtim në ije aq keq saqë ai ndonjëherë kishte vështirësi t’i mbathte këpucët dhe çorapet e tij.
Ai tha se kishte një ije të “dëmtuar rëndë” dhe kishte luajtur me dhimbje “prej vitesh”./Arbresh.info/
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...
Plagoset një person në Mitrovicë