Google ADS

I ftohti i bën 74 fëmijë për spital

16:31 | 10 Janar 2019
Arbresh.info

I ftohti që ka kapluar Kosovën, ka shtuar numrin e fëmijëve që kërkojnë trajtim mjekësor në Klinikën e Pediatrisë në Prishtinë.

Në Emergjencën e Pediatrisë të Klinikës së Pediatrisë në QKUK, për 24 orë, janë trajtuar 74 raste, shkruan gazeta inFokus.

Prej tyre, 22 fëmijë janë pranuar për trajtim të mëtutjeshëm në repartet e ndryshme të Klinikës së Pediatrisë.

Ndërsa gjithsej 178 persona kanë marrë shërbimet e nevojshme mjekësore në Klinikën Emergjente të Qendrës Klinike Universitare të Kosovës, thuhet në njoftimin e QKUK-së.

42 prej tyre, janë trajtuar në dhomën e reanimimit, ndërsa kishte edhe 26 raste kirurgjike, 80 internistike dhe 26 ortopedike.

15 persona kanë marrë ndihmë mjekësore, si pasojë e aksidenteve në trafik. Për mjekim të mëtutjeshëm, në klinikat e QKUK-së, janë pranuar 32 pacientë.

Shpërndaje në rrjete sociale

Lajmet më të lexuara

Të ngjashme

Foto lajm