Kryetari i Lëvizjes Vetëvendosje (LVV), Albin Kurti, dhe sekretari për Marrëdhënie me Jashtë, Boiken Abazi, pritën sot në takim ambasadorin e Francës në Kosovë, Didier Chabert, dhe zëvendës-ambasadoren, Carole Blestel-Feffer.
Në një njoftim lëshuar nga kjo parti është biseduar për situatën politike dhe ekonomike në Kosovë, ndërsa ambasadori francez ka shprehur mbështetjen e Francës për shtetin e Kosovës.
Ndërsa, Kurti ka theksuar nevojat e mëdha ekonomike dhe sociale që kanë shtresa të ndryshme të popullit në Kosovë, nga punësimi e deri të investimet, dhe se si ka dështuar modeli ekonomik në linjën e të cilit po ecën qeveria aktuale.
Ai më tej theksoi edhe një herë domosdoshmërinë për t’u mos u ngutur e për të mos bërë gabime në dialogun me Serbinë.
“Duhet t’ia nisim nga vlerësimi në Kuvend i marrëveshjeve të arritura deri më sot, dhe ky vlerësim po ndalet me qëllim nga kryetari i Kuvendit”, ka thënë Kurti.
Më tej, Kurti ka folur për mungesën e legjitimitetit demokratik të Ekipit negociator dhe të qeverisë, si dhe për nevojën për të mbajtur zgjedhje të parakohshme nga të cilat do të dilnin institucione legjitime dhe demokratike.
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...
Alarmi taktik i Kurtit për rrezikun e konflikteve nga Serbia