Italia dhe Polonia do të diskutojnë mundësinë e bashkimit në një aleancë anti-BE sot para zgjedhjeve evropiane të majit.
Zëvendëskryeministri italian i së djathtës ekstreme Matteo Salvini do të vizitojë Varshavën për të mbajtur bisedime me homologun e tij, liderin e partisë në pushtet në Poloni, Jaroslaw Kaczynski, transmeton portali arbresh.info.
Zgjedhjet shihen si një pikë kthese potenciale për euroskeptikët të cilët janë duke kërkuar të forcojnë pozicionet e tyre në të gjithë kontinentin dhe të ndryshojnë rrënjësisht projektin e BE-së.
“Dikush ka tradhtuar ëndrrën evropiane”, tha Salvini për një tubim të partisë Liga në Romë muajin e kaluar. “Ne do të sigurojmë gjakun për një komunitet të ri evropian bazuar në respektin, punën, rritjen dhe barazinë”.
Salvini, i cili kryeson Partinë anti-emigruese të Italisë Liga, ka kritikuar në mënyrë të përsëritur BE-në dhe thotë se zgjedhjet e majit janë jetike për krijimin e një blloku ‘reformist’ që mund të rishikojë institucionet e Brukselit nga brenda.
Ai madje ka lënë të kuptohet se ai mund të jetë kandidat për të kryesuar ekzekutivin e BE-së, Komisionin Evropian./Arbresh.info/
Ambasadori britanik pas takimit me Konjufcën, thotë se kanë ...
Angazhim kapilar në çdo qark të vendit, Rama: Nis ndërtimi i...
Komandanti i KFOR-it: Vazhdimi i dialogut Kosovë-Serbi kërko...
Zelenskyy: Jo alternativa daljeje nga lufta, por paqe të vër...
Kryesimi shqiptar i Kartës së Adriatikut, Hasani: Të përshpe...
Vuçiq: S’ka zgjidhje për problemet në Kosovë derisa nuk ndry...