Google ADS

Bie papunësia në Eurozonë

14:19 | 9 Janar 2019
Arbresh.info

Shkalla e papunësisë në Eurozonë në muajin nëntor të vitit të kaluar ka rënë në 7,9 për qind, transmeton Anadolu Agency (AA).

Sipas të dhënave të Eurostat-it, në Eurozonën me 19 vende anëtare shkalla e papunësisë së rregulluar sezonalisht e cila ishte 8 për qind, në nëntor ka zbritur në 7,9 për qind. Kështu që është arritur shkalla më e ulët në papunësi që nga tetori i vitit 2008.

Ndërkohë në Bashkimin Evropian (BE) kjo shifër nuk ka ndryshuar në muajin nëntor në krahasim me atë tetor, me 6,7 për qind. Numri i të papunëve në nëntor në BE ishte 16 milionë e 491 mijë, ndërsa në Eurozonë 13 milionë e 40 mijë.

Papunësia më e ulët në nëntor në BE ishte në Çeki me 1,9 për qind. Pas Çekisë vijojnë Gjermania me 3,3 për qind dhe Holanda me 3,5 për qind. Papunësia më e madhe u regjistrua në Greqi me 18,6 për qind dhe 14,7 për qind në Spanjë.

Shpërndaje në rrjete sociale

Lajmet më të lexuara

Të ngjashme

Foto lajm