Një rast i veprës penale vjedhje ishte raportuar dy ditë më parë në Mitrovicë. Hetuesit policor në kuadër të stacionit policor në Mitrovicë, në bashkërendim me prokurorin e rastit kanë zhvilluar hetime për zbardhjen e rastit të vjedhjes.
Si rezultat i një hetimi intensiv, është arritur të identifikohen dhe të arrestohen dy persona të gjinisë femërore për përfshirje në vepër penale vjedhje.
“Arrestimi i dy të dyshuarave është bërë mbi dyshime të arsyeshme dhe prova të siguruara se me datën 3 janar 2019, deri sa ishin duke punuar si punëtore pastruese në një shtëpi private kishin vjedhur një sasi ari, ku më pas e kishin shitur në një argjendari”, thuhet në njoftimin e Policisë.
Veprimet hetimore lidhur me rastin janë zhvilluar edhe ndaj një argjendari i cili kishte blerë mallrat e vjedhur. Ndaj tij është iniciuar rast për vepër penale: “blerje, pranim ose fshehje e sendeve të përfituara nga kryerja e veprës penale”.
Ndërsa pas procedurave intervistuese, dy të dyshuarat janë liruar për procedurë të rregullt.
Të paktën 7 vende kundërshtojnë anëtarësimin e Ukrainës në N...
Petkoviq: Insistova në formimin e Asociacionit
Takimet me diasporën, Rama niset drejt Nju Jorkut, logoja e ...
Ky banor bën gati valixhen, paralajmëron se do ta lë shtëpin...
“Tërheqja e letrës së Bërnabiqit, dorëzimi i Radojiçiqit“, Q...
Blinken: Do të rifillojnë bisedimet për armëpushim në Gaza d...