Real Madrid – Brahim Diaz, marrëveshja afër finalizimit

23:50 | 4 Janar 2019
Arbresh Info

Real Madridi është në prag për të finalizuar marrëveshjen për nënshkrimin me Brahim Diazin nga Manchester City.

19-vjeçari pritet të jetë në Madrid brenda 24 orëve të ardhshme për të finalizuar transferimin pas refuzimit të kontratës së ofruar për qëndrim në City, transmeton portali arbresh.info.

Diaz iu bashkua kampionit në Premierë në vitin 2015 nga Malaga për një shumë fillestare prej 200 mijë funtave, por shanset e tij te skuadra e parë kanë qenë të limituara nën udhëheqjen e Pep Guardiolas.

Guardiola deklaroi muajin e kaluar se City do të “bënte gjithçka që është e mundur” për të mbajtur në skuadër Diazin, por palët që nga atëherë nuk kanë arritur të kenë progres në negociatat për kontratë.

Marrëveshja aktuale e Diazit pritet të skadojë në fund të sezonit, prandaj City ka marrë vendim për shitjen e tij me para të gatshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm